المنسف الأردني ..!!
بسم الله الرحمن الرحيم
السلام عليكم ورحمة الله وبركاته
المنسف الاردني ..
صباح / مساء الورد
جبتلكم وصفة سيد الاطباق الاردنية
المنسف
و طبعا" المنسف الاكلة رقم واحد بالاردن
و يقدم في كل المناسبات
نبدأ على طول
المقادير /
لحم غنم منضف ومغسول كتير منيح -
هيل - سمنة بلدي - بصله - لبن مخيض ( الشنينه ) و يفضل يكون مصنوع من حليب الغنم مو البقر - بهارات منسف
بنحطهم مع بعض و بنخليهم شي 5 دقايق
لحتى بتغير لون اللحم
بعدين بنحط ماي مغليه ع اللحم
و بنسلقه بس مابنخليه يستوي يعني بنخليه
نص استوا لأنه رح ينطبخ مره تانيه مع اللبن
و ازا بكون في لسا ماي ع اللحم
بنتخلص منها و بنخلي اللحم بس
هلأ بنسكب اللبن ع اللحم و بنضل نحركه باستمرار لحتى يغلي
لما بغلي اللبن بنضبف البهارات الخاصه بالمنسف
و بنتركه يغلي على نار متوسطه
مشان ينطبخ اللحم منيح مع اللبن
و هلأ بنطبخ رز المنسف
بنحتاج
اي نوع رز مغسول و منقوع مده كافيه
ممكن المصري او الرز العادي - كميه منيحه من السمنه - ماي وملح
بندوب السمنه لحتى ماتسحن منيح
بنضيف الرز و بنخلط الرز مع السمنه و بنحاول
توصل السمنه لكل حبات الرز
و هلأ بنضيف الماي المغليه و الملح و بنغطيها
و بنخليها على نار متوسطه لحتى ماتغلي وبعدين هاديه
لوقت مايستوي الرز
هلأ سار الرز تاعنا جاهز
و كمان شراب المنسف سار جاهز
و سار وقت تقديم المنسف
اول شي بنحط رغيف من خبز الشراك
و خبز الشراك خبز بيشبه الى حد ما خبز التورتيلا
بس حجمه اكبر يعني تورتيلا اردنيه ههههه
بعد مانحط الخبز بالصينيه ( السدر ) بنشربه بشوية من لبن المنسف
و بعدين بنحط الرز
و هلأ بنرتب قطع اللحم و بنزينه باللوز
و هلأ سار وقت نحكي اتفضلو
اتمنى يعجبكم
منقووول